Sinibak na sa puwesto ang dalawang matataas na opisyal ng Social Security System o SSS.
Inanunsyo ni Presidential Spokesman Harry Roque ang pagkakatanggal nina SSS Chairman Amado Valdez at SSS Commissioner Jose Gabriel Laviña.
Hindi naman nagbigay ng dahilan si Roque sa pagkakasibak ng dalawang opisyal.
Gayunman, sinabi ng kalihim na Hunyo 30 pa ng nakaraang taon nang mag-expire ang termino nina Valdez at Laviña at ngayon nga ay nagpasya ang Palasyo na huwag nang i-renew ang appointment ng mga ito.
(Ulat ni Jopel Pelenio)
