Tinawag namang ignorante sa batas ng pro-Duterte blogger na si Rey Joseph o RJ Nieto na kilala bilang si Thinking Pinoy sa social media si Senador Antonio Trillanes IV.
Ito’y makaraang ihayag ni Trillanes ang pagsasampa nito ng kasong libelo laban kay Nieto dahil sa anito’y pagpapakalat ng fake news hinggil sa bansag umano sa kaniya ni US President Donald Trump na ‘little narco’.
Ayon kay Nieto, hindi siya ang gumawa ng naturang artikulo at binigyang diin nito ang salitang “napaulat” sa kaniyang ibinahaging artikulong tinutukoy ni Trillanes.
Kasunod nito, binanatan ni Nieto si Trillanes at sinabihang magbasa ng diksyunaryo o mag-search sa Google upang malaman nito ang kahulugan ng kaniyang mga sinasabi.
—-
