Tinutugis na ng Bureau of Immigration (BI) ang tinaguriang top drug lord na si Peter Lim.
Si Lim ang isa sa tatlong pinakamalalaking drug lord sa bansa na pinangalanan kamakailan ni Pangulong Rodrigo Duterte.
Batay sa tala ng BI, hindi bababa sa 4,000 ang may pangalang Peter Lim sa kanilang database.
Kasunod nito, nagpatulong na rin ang ahensya sa Philippine National Police (PNP) at Philippine Drug Enfrocement Agency o PDEA para sa paghahanap kay Lim.
Magugunitang inihayag ni Pangulong Duterte na si Lim ang siyang utak ng operasyon ng iligal na droga sa buong Visayas Region.
By Jaymark Dagala
Photo Credit: Malacañang Photo Bureau
