Sumampa na sa 13 ang mga Filipinong tinamaan ng COVID-19 sa Indonesia.
Sa gitna ito ng pagsirit ng kaso ng COVID-19 partikular ang delta variant sa naturang bansa, na epicenter ngayon ng pandemya sa Asya.
Kinumpirma ng Department of Foreign Affairs na patuloy pang nagpapagaling ang mga nasabing Pinoy.
Una nang inihayag ni Philippine Ambassador Leehiong Wee na 5 pinoy na ang namatay sa COVID-19 sa Indonesia.
Sa ngayon ay aabot sa 8,500 ang mga Filipinong naninirahan at nagtatrabaho sa Indonesia. —sa panulat ni Drew Nacino
