Humirit ng labing anim (16) hanggang dalawampu’t isang (21) porsyentong dagdag sa toll fee ang Manila North Tollways Corporation (MNTC) para sa North Luzon Expressway (NLEX) at Subic-Clark-Tarlac Expressway (SCTEX).
Katwiran ng MNTC, bilyun-bilyong piso na ang nalugi sa kanila dahil hindi na gumalaw ang toll fee simula pa noong 2013.
Kung maaprubahan ito ng Toll Regulatory Board (TRB), ang 45 pesos na minimum rate para sa class 1 vehicles ay papalo na ng higit sa 52 hanggang 54 pesos.
Mula naman sa 408 pesos na toll fee mula Balintawak hanggang Tipo Exit ay posibleng maging 473 hanggang 493 pesos.
Habang ang 322 pesos toll fee na mula Balintawak hanggang Tarlac Exit ay lolobo ng higit 373 hanggang 389 pesos.
By Rianne Briones
Photo Credit: Top Gear PH
