Ibinahagi ng Kapamilya aktres na si Toni Gonzaga-Soriano ang hindi malilimutang naranasang bangungot noong siya ay dalaga pa.
Ayon kay Toni, sa sobrang nakakatakot ng kanyang panaginip ay akala niya na totoo ito.
Kuwento ni Toni, isang gabi habang natutulog siya sa kanyang dating kuwarto ay nagising siya na parang may itim na figure na parang ulap sa kanyang ibabaw at dinadaganan siya.
Pinilit aniya niyang labanan ito dahil hindi na aniya siya makahinga.
Dagdag pa ni Toni, sa tuwing sinasabi niya ang mga katagang in Jesus Name ay hinahawakan ng nasabing bagay ang kanyang labi.
Kuwento pa ng aktres, pinilit niyang gumalaw at bumagsak sa kama at nang makalabas siya ng kuwarto ay doon na siya nagising na pagod na pagod ang pakiramdam at nalamang panaginip lamang iyon.
Sa ngayon ani Toni, hindi na naulit ang kanyang masamang panaginip.
—-
