Hinubaran na ng maskara ni Pangulong Rodrigo Duterte ang tatlong pinakamalalaking drug lord sa bansa.
Sa isinagawang pulong balitaan kahapon sa Malacañang, sinabi mismo ng Pangulo na nagmula sa Mainland China ang tinaguriang Chinese triad at kasalukuyang nakapiit sa New Bilibid Prisons sa Muntinlupa City.
Una sa listahan si Wu Tuan alyas Peter Co na siyang may hawak ng operasyon ng droga sa Luzon at Metro Manila.
Ikalawa si Peter Lim alyas Jaguar na siyang responsable naman sa operasyon ng droga sa Visayas ngunit kasalukuyang at large.
Ikatlo naman si Herbert Colangco na siya namang may hawak ng operasyon ng iligal na droga sa Mindanao na nakabase sa Ozamis City at may kaugnayan sa Parojinong drug syndicate.
Kasunod nito, idiniin ng Pangulo si Retired C/Supt. Marcelo Garbo na siyang tumatayong protektor umano ng tatlong nabanggit na top drug lords ng bansa.
By Jaymark Dagala
Photo Credit: Malacañang Photo Bureau
