Naniniwala ang Top Gear Philippines na hindi depektibo ang Montero Sport ng Mitsubishi Motors.
Ito’y matapos magreklamo ang ilang customer na bigla-bigla na lang umanong humaharurot ang SUV kahit hindi naman inaapakan ang gas.
Sa panayam ng DWIZ, binigyang diin ni Top Gear Philippines Editor-in-Chief Vernon Sarne na wala naman itong basehan.
Aniya, kung pagbabatayan kasi ang napanood nilang video ng aksidente ng umano’y pagkakaroon ng sudden unintended acceleration ay ang motorista naman ang nagkamali.
“Matagal na ito eh, 4 years ago pa itong mga ganitong isyu pero wala talagang makapagpatunay nito, kasi sa ibang bansa walang ganitong nangyayari, sabi ko nga napakasuwerte naman ng Pilipinas at sa atin napunta lahat ng may depekto.” Pahayag ni Sarne.
By Jelbert Perdez | Ratsada Balita
