Pinasabugan ang isa sa mga tore ng National Grid Corporation of the Philippines (NGCP) sa bayan ng Maguing, Lanao Del Sur, kahapon.
Kinumpirma ng NGCP na naganap ang pagsabog sa tower 65 ng Agus 2 – Kibawe 138 kilovolt line.
Inaayos na ang nasabing tore na bahagi ng transmission line segment na unenergized simula pa noong September 2021 dahil sa pananabotahe sa mga insulator nito.
Umapela naman ng tulong ang NGCP sa local at national government, maging sa mga local community leader at publiko upang matukoy kung sino ang nasa likod ng pananabotahe. —sa panulat ni Drew Nacino
