Pinalawig pa ang pagpapatupad ng total lockdown sa Barangay Molino 3 sa Bacoor, Cavite hanggang alas-11:59 ng ika-7 ng Mayo.
Ito ay matapos na makapagtala pa ng karagdagdang tatlong positibo kaso ng coronavirus disease 2019 (COVID-19) sa Barangay Molino 3.
Batay sa ipinalabas na memorandum ni Bacoor City Mayor Lani Mercado, mananatili ang pagbabarikada ng pulisya sa lahat ng mga daanan papasok at palabas ng barangay.
Ipagpapatuloy din ang ipinatutupad na sub-clustering scheme ng Barangay Molino 3 sa kanilang mga residente.
Kahapon, ika-30 ng Abril, magtatapos sana ang lockdown sa Barangay Molino 3 bago muling pinalawig ng pitong araw.
