Bumagsak ang isang tower crane sa isang ginagawang condominium building sa bahagi ng Pasay Road, Pasay City.
Ayon kay Lauro Feliciano, national president ng Pasay City Host Lions Club, nangyari ang insidente dakong ala una kaninang madaling araw.
Batay sa ulat sa kanila ng contractor ng ginagawang gusali, nagmula sa ika-37 palapag ang crane na bumagsak sa bubungan ng Lions Club.
Masuwerte namang walang tao sa nasabing opisina nang mangyari ang insidente subalit posible pa rin itong magdulot ng anumang pinsala kung hindi agad na maiaalis.
Kasalukuyan nang nasa lugar ang mga tauhan ng Pasay City Hall at mga operatiba Pasay City Police Office para imbestigahan ang insidente.
