Pansamantalang sarado ang Main office at branches ng Social Security System (SSS) sa ilang lugar sa Luzon dahil sa epektong dulot ng Typhoon Karding.
Ayon sa SSS bukod sa Main office nito sa National Capital Region, sarado rin ang kanilang branches sa Regions 1, 2, 3, 4-A, 4-B at Cordillera Administrative Region.
Maaari namang makipag-transaksyon ang mga miyembro, employer, pensioner at publiko sa pamamagitan ng online channels, kabilang ang official website at mobile application ng ahensya.
Magbabalik-normal ang operasyon ng SSS sa mga nasabing lugar, bukas.
