Nasa Pilipinas na ngayon ang Asia’s top transgender supermodel na si Mader Sitang ng Thailand.
Mainit na sinalubong ng mga Pinoy fans si Mader Sitang sa NAIA Terminal 3.
Nagpasalamat naman si Mader Sitang sa mainit na pagtanggap sa kanya ng mga Pinoy kasabay ng pagpapaunlak ng signature dance nito.
Sinabi nito na malapit sa kanyang puso ang mga Pinoy dahil sa pagkakatulad ng kultura ng Thailand at Pilipinas.
Hindi ito ang unang pagbisita ni Mader Sitang sa Pilipinas.
Sa katunayan, kabilang siya sa isang non-government organization na isa sa mga unang tumulong sa mga nasalanta ng Super Typhoon Yolanda noong 2013.
Trending ang mga video ni Mader Sitang sa social media dahil sa mga nakaka-aliw nitong dance moves.
