Nakipagpulong na ang core group ng transition team ni Mayor Rodrigo Duterte sa Malacañang team.
Ito ay para sa maayos na pag-turnover ng lahat ng trabaho at responsibilidad para sa bagong uupong pangulo ng bansa.
Tinitiyak na rin ng kampo ni Duterte ang mga kaalyado nila sa kamara.
Napag-alamang isinusulong na maging bagong House Speaker si Davao del Norte First District Representative Pantaleon “Bebot” Alvarez.
Duterte camp
Pinangalanan na ng kampo ni presidential front-runner Rodrigo Duterte ang mga miyembro ng kanilang transition committee.
Ayon kay Peter Laviña, tagapagsalita ni Duterte, kabilang sa mga bumubuo ng transition committee sina Campaign Manager Leoncio Evasco, Assistant Manager and Executive Assistant Christopher “Bong” Go, Finance Head Carlos “Sonny” Dominguez at mga abogadong sina Salvador Medialdea at Loreto Ata.
Kasabay nito, ipinabatid ni Laviña na bahagi rin siya ng nabanggit na komite.
By Meann Tanbio
