Magkakaroon ng pagbabago sa daraanan ng Traslasyon ng Itim na Nazareno ngayong taon.
Ayon kay Quiapo Parish Priest Fr. Ding Coronel, dadaan ng Ayala bridge ang traslasyon sa halip na Jones bridge na ginawa nuong nakalipas na taon.
Aniya, batay ito sa naging rekomendasyon ng Department of Public Works and Highways (DPWH) na ang Ayala bridge ang siyang pinaka ligtas at pinakamatibay na maaring daan ng prusisyon.
Umaasa naman ang simbahan ng Quiapo, organizer ng prusisyon, at mga hijos, na magiging mataimtim at maayos ang Traslasyon 2020.
