Good luck na lamang!
Ito ang naging mensahe ni Senador Antonio Trillanes IV kay Senate President Tito Sotto III sa plano nitong mamagitan sa Pangulo at Simbahang Katolika.
Ayon kay Trillanes, malabo nang maaayos pa ang hindi pagkakaunawan sa pagitan ni Pangulong Rodrigo Duterte at ng Simbahang Katolika kahit na may mamamagitan pa.
Sinabi ng senador, ilang beses nang sinubukan ng mga malalapit kay Pangulong Duterte na magkaroon ng diyalogo sa mga taga-Simbahan pero nabibigo lamang.
Dagdag pa ni Trillanes, patuloy din ang ginagawang pagbanat ni Pangulong Duterte laban sa mga alagad ng Simbahan gayundin ang pauli-ulit nitong kuwento tungkol sa naranasan umanong pangmomolestiya mula isang pari na hindi naman aniya kapani-paniwala.
(Ulat ni Cely Bueno)
