Duda si Senador Antonio Trillanes IV sa aniya’y pananahimik ni Pangulong Rodrigo Duterte sa kontrobersyang kinasasangkutan ng BOC o Bureau of Customs.
Ito ay matapos na makalusot ang mahigit P6-B halaga ng shabu sa bansa nang hindi nasisiyasat ng BOC.
Giit ni Trillanes, batid ng publiko kung gaano katindi ang galit ng Pangulo sa mga bumabatikos sa kanyang war on drugs.
Subalit aniya, tila speechless o hindi nagsasalita ang Pangulo sa pagkakapuslit ng napakalaking halaga ng shabu sa bansa mula China.
Maging si Senador Panfilo Lacson ay nagtatanong na rin sa Pangulo kung hindi ba siya nagagalit sa Customs.
