Naniniwala si Pangulong Rodrigo Duterte na hindi malayong mabaril si Senator Antonio Trillanes IV dahil sa kanyang pagiging mayabang at arogante.
Ayon kay Pangulong Duterte, laging umaastang matapang si Trillanes at tinatakot pa ang mga kapwa mambabatas na tila ang paniniwala nito sa kanyang sarili ay mas naka-aangat sya sa mga ito.
Pahayag ng punong ehekutibo, naging bahagi ng Philippine Navy ang senador kaya’t mataas ang kumpyansa nito pero sino aniya ang maniniwala kay Trillanes gayung wala itong ginawa kundi ang makipag-away.
Giit ng pangulo, matapang lamang ang opposition senator dahil walang pumapatol sa kanya ngunit darating din aniya ang araw na bigla na lamang itong mababaril dahil sa pagiging arogante.
