Handa si US President Donald Trump na makausap ng personal si Iranian President Hassan Rouhani sa kabila ng umiinit na word war ng Amerika at Iran.
Magugunitang nagpalitan ng banta sina Trump at Rouhani sa gitna ng issue ng nuclear deal ng Iran sa western powers kapalit ng pagtanggal sa international sanctions.
Ayon kay Trump, naniniwala siyang may magandang idinudulot ang masinsinang pag-uusap nang walang kondisyon.
Bagaman inihahanda na ng Amerika ang pagpapataw ng sanctions sa Iran, nilinaw ng US President na maaari pa naman itong mabago sa sandaling magpulong sila ni Rouhani.
Wala namang ibinigay na detalye si Trump kung kailan magaganap ang nasabing pulong.
—-
