Ikinagulat ni Vice President Sara Duterte ang naging pagsirit ng kanyang trust at approval ratings matapos ang isinagawang survey nuong Marso ng Pulse Asia.
Ito’y sa kabila ng mga sinasabing kwestyunableng paggastos ng kanyang confidential funds at nabinbing impeachment.
Ayon kay VP Duterte, hindi niya inaasahan ang pagtaas ng bilang ng mga naniniwala sa kanya dahil sa mga naging sinasabing paninira sa kaniya.
Nabatid na pumalo sa 61% ang trust rating ni VP Sara nuong Marso, mas mataas kumpara nuong pebrero na nasa 53% lamang.
Samantalang sumirit din sa 59% ang approval rating ni VP Duterte para sa buwan ng Marso na mas mataas din kumpara nuong Pebrero na nasa 52% lamang.
