Tumaas ang Satisfaction at Trust Rating ni Pangulong Ferdinand Marcos jr. ngayong buwan, habang bumaba naman ang ratings ni Vice President Sara Duterte.
Batay sa survey ng polling firm na Tangere, bahagyang tumaas sa 46.9% ang satisfaction rating ng pangulo, mula sa 46.4% na nakuha nito noong setyembre.
Nananatili ring mataas ang bilang ng mga Pilipinong nagtitiwala sa pamumuno ni PBBM, na umabot sa 59.3% mula sa dating 58.8%.
Samantala, bumaba naman sa 48% ang satisfaction rating ni Vice President Duterte, mula sa 48.7% na nakuha nito noong nakaraang buwan.
Bumulusok din ang trust rating ng pangalawang pangulo sa 56%, mula sa dating 56.8%.
Isinagawa ang naturang survey mula Oktubre 16 hanggang 19, sa 2,000 repondents sa pamamagitan ng isang mobile-based application.
