Inirerekomenda ni Cagayan Governor Manuel Mamba na maisailalim sa modified enhanced community quarantine (MECQ) ang Tuguegarao City.
Ito ay bunsod ng patuloy na pagtaas ng kaso ng coronavirus disease 2019 (COVID-19) sa lungsod.
Ayon kay Mamba, nais niyang maipatupad ang MECQ sa Tuguegarao City sa loob ng 30 araw.
Sa ngayon, walang pang sagot ang Regional Inter-Agency Task Force sa mungkahi ni Mamba.
Batay sa pinakahuling tala, umabot na sa 586 ang kabuuang kumpirmadong kaso sa Tuguegarao City.
