Isang tulay sa bahagi ng barangay Esperanza Ilaya sa Alfonso, Cavite ang bumigay dahil sa matinding buhos ng ulan.
Sinasabing ginagamit ang bumigay na tulay bilang shortcut patungong Tagaytay City.
Wala namang napaulat na nasaktan sa naturang insidente.
Samantala, aabot naman sa mahigit apatnaraan at limampung mga residente sa Barangay Amaya 5 at Amaya 7 sa Tanza, Cavite ang inilikas dahil sa pagtaas ng tubig galing sa dagat.
