Bubuksan na ng Dubai ang kanilang turismo simula sa July 7.
Samantala, ang kanilang mga mamamayan at iba pang nakatira sa Dubai ay maaari na ring bumiyahe palabas ng bansa simula bukas, June 23.
Batay sa anunsyo, kailangan lamang na mag presenta ng international health insurance, coronavirus disease 2019 (COVID-19) test na sinasabing sila ay negatibo at health declaration form ang isang turista para makapasok ng Dubai.
Maaari na anilang maipagpatuloy ng kanilang mamamayan ang anumang naunsyami nilang travel plans dahil sa COVID-19 pandemic.
