Nagpatupad ng mahigpit na seguridad ang pamahalaan ng Turkery sa pagsalubong sa Bagong Taon.
Ito’y kasabay ng paggunita sa unang anibersaryo ng terror attack sa isang nightclub sa Istanbul na ikinasawi ng tatlongpo’t siyam (39) katao.
Kabuuang tatlongpo’t pitong libong (37,000) mga pulis ang ipinakalat sa Istanbul upang tiyakin ang seguridad sa naturang lungsod.
Matatandaang noong nakaraang taon sa kasagsagan ng pagsalubong sa Bagong Taon ay isang Uzbek gunman ang walang habas na namaril sa Reina Nightclub sa Bosphorus.
