Patay ang 28 katao sa Turkish town malapit sa Syrian border matapos pasabugin ng hinihinalang Islamic State suicide bomber ang dala nitong bomba.
Base sa imbestigasyon, isang 18-anyos na babae ang umatake sa lugar kung saan nagtipon-tipon ang mga aktibistang estudyante para magbigay ng pahayag sa local media kaugnay sa planong muling pagsasaayos sa Kobani.
Ayon naman sa isang senior official sa Ankara, ang Islamic State ang responsable sa krimen base sa ilang ebidensiya nakalap nila.
Naganap ang pag-atake isang linggo matapos mag-deploy ang Turkey ng karagdagang tropa at equipment sa ilang bahagi ng border sa Syria.
By Mariboy Ysibido
