Tuwang-tuwa si TV host actress Toni Gonzaga sa sorpresang bridal shower na ibinigay sa kaniya sa isang hotel sa Makati City.
Ang kapatid ni Toni na si Alex Gonzaga ang nagplano ng nasabing bridal shower na dinaluhan ng ilang sa mga kaibigan nila sa showbiz tulad nina Angel Locsin, Bea Alonzo, Vice Ganda, Mariel Padilla at Bianca Gonzales.
Kasama sa mga nai-post na pictures sa naturang bridal shower ang hashtag na 7 days na mistulang indikasyong tuloy na ang kasal ni Toni at Direk Paul Soriano sa June 12, ang kanilang 8th anniversary at pagdiriwang ng Independence Day ng bansa.
Una nang inihayag nina Toni at Direk Paul na simple lamang ang magiging kasal nila sa hometown ng aktres sa Taytay, Rizal.
By Judith Larino
