Sarado na simula kaninang madaling araw ang U-turn slot sa EDSA sa tapat ng Quezon City Academy.
Ayon ito sa Metropolitan Manila Development Authority (MMDA), kaya’t maaaring dumaan ang mga motorista sa alternate route sa Muñoz LRT station U-turn slots sa harap ng Panorama Building para sa parehong north at south bound.
Ang pagsasara sa mga U-turn slot sa kahabaan ng EDSA ay bahagi nang patuloy na pagpapabuti at pagpapabilis ng biyahe sa EDSA carousel bus routes.
Hiniling ng MMDA ang kooperasyon at pang-unawa ng mga motorista sa pagsasara ng nasabing U-turn slot.
