Pansamantalang tatanggapin ng United Arab Emirates (UAE) ang 5,000 Afghan nationals na request ng Estados Unidos.
Ayon sa Foreign Ministry ng UAE, ang naturang evacuees ay manggagaling sa Kabul lulan ng mga eroplano ng Amerika.
Dagdag ng foreign ministry, mananatili lamang ang mga Afghan nationals ng 10 araw sa UAE bago pumunta sa ibang bansa.
Matatandaang nasa 8,500 katao ang natulungan ng UAE sa pamamagitan ng kanilang eroplano at sa kanilang paliparan.
