Gumawa ng kasaysayan ang Cuban Boxer na si Yordenis Ugás matapos gibain si Sen. Manny Pacquiao sa pamamagitan ng unanimous decision sa kanilang welterweight match sa Las Vegas.
Sa unang bahagi pa lamang ng laban ay nagpakitang-gilas na si Ugas kung saan ginamit ng dating Olympian ang kanyang tangkad at bilis para pahirapan ang Pambansang Kamao.
Matapos ang nakagugulat na pagkatalo, sinabi ni Pacquiao na hayaan muna siyang magpahinga at mag-relax bago siya maglabas ng desisyon kung lalaban pa siya o hindi sa hinaharap.
Maliban dito, wala ring inilabas na pahayag ang Pambansang Kamao ukol sa plano niya sa 2022 Elections.
