Mahigpit na nakatutok ang Intelligence Community sa mga ugung ugong na Destabilisasyon sa Duterte Administration.
Tiniyak ito ni National Security Adviser Hermogenes Esperon bagamat tumangging diretsahang sagutin kung talagang may banta para mapatalsikin sa puwesto ang Pangulong Rodrigo Duterte.
Sinabi ni Esperon na bahala na silang tumugon sa sitwasyon kung mayruon ngang banta laban sa Pangulo at handa naman aniya silang harangan ito kung kinakailangan.
Una nang ipinabatid ni Presidential Communications Secretary Martin Andanar ang natanggap na report hinggil sa mga pagkilos laban sa Pangulo na itatapon sa paggunita ng EDSA People Power One ngayong weekend.
By : Judith Larino
