Binigyang diin ni National Security Adviser Hermogenes Esperon na walang katotohanan ang kumakalat na impormasyon na may puwersa ng NPA o New People’s Army sa bahagi ng eastern Pangasinan.
Ayon kay Esperon, taktika o stratehiya lamang ng mga rebelde ang mga lumabas at kumalat na fake news upang lituhin ang mga mamamayan kaugnay sa nangyaring engkwentro ng tropa ng pamahalaan at NPA sa bayan ng San Nicolas, Pangasinan noong Biyernes.
Matatandaang kumalat sa social networking site na Facebook na dinakip ng mga naturang NPA ang mayor ng bayan ng San Quintin na mariin namang pinabulaanan ng PNP o Philippine National Police.
By Arianne Palma
