Aminado ang United Nationalist Alliance (UNA) ni Vice President Jejomar Binay na mahihirapan sila sa 2016 elections kung hindi susuporta si dating Pangulo at ngayo’y Manila mayor Joseph Estrada.
Ayon kay UNA Secretary General JV Bautista, isa si Erap sa mga haligi at may malaking boses sa oposisyon.
Sinabi pa ni Bautista, na isa lang naman ang magiging balakid para ibigay ni Estrada ang kaniyang buong suporta kay Binay at ito ay kung tatakbong pangulo si Senador Grace Poe na itinuturing umanong “joker”.
Magkagayunman, umaasa ang una na makukuha pa rin nila ang suporta ni Estrada dahil sinabi naman umano ng opisyal na ang kaniyang susuportahan sa 2016 elections ay ang maglilingkod sa masa at kasama sa oposisyon.
By Mariboy Ysibido
