Kinumpleto na ng United Nationalist Alliance (UNA) ang kanilang senatorial line up para sa 2016 elections.
Kinumpirma ni UNA President at Navotas City Rep. Toby Tiangco na pasok sa kanilang line up sina Sarangani Rep. Manny Pacquiao; dating PNP-Special Action Force Director Getulio Napeñas; Parañaque Councilor Alma Moreno;
Sulu Sultanate Princess Jacel Kiram; veteran broadcaster at DWIZ Station Manager Rey Langit at Labor Lawyer Allan Montaño.
Guest candidates naman sina Senador Vicente “Tito” Sotto III ng Nationalist People’s Coalition; dating Senador Panfilo Lacson; dating Senador Richard “Dick” Gordon;
Dating Senador Juan Miguel “Migz” Zubiri; Lakas-CMD President at Leyte Rep. Martin Romualdez at Overseas Filipino Workers Advocate at DWIZ Anchor Susan “Toots” Ople.
Inihayag ni Tiangco na ang mga plataporma ng mga nasabing kandidato ay alinsunod sa mga prinsipyo at “vision” presidential bet ng partido na si Vice President Jejomar Binay.
Grace-Chiz senatorial line up
Ikinasa na ng tambalang Poe-Escudero ang kanilang senatorial line up para sa 2016 elections.
Ayon kay vice presidential bet at Senator Escudero, mismong si Senador Grace Poe ang namili ng kanilang mga magiging kandidatong senador na ihahayag sa Huwebes.
Ang mga ito ay sina Valenzuela Rep. Sherwin Gatchalian; Pasig Rep. Roman Romulo; dating Optical Media Board Chairman Edu Manzano;
Bayan Muna Rep. Neri Colmenares; Atty. Lorna Kapunan at ACT-CIS Partylist Rep. Samuel Pagdilao.
Guest candidates naman sina Manila Vice Mayor Isko Moreno; Senator Vicente “Tito” Sotto III; Senator Ralph Recto; mga dating senador na sina Richard “Dick” Gordon; Juan Miguel Zubiri at Panfilo Lacson.
By Drew Nacino | Allan Francisco | Cely Bueno
