Inilabas na ang unang pasilip sa pinakabagong pelikulang pagbibidahan nina Piolo Pascual at Toni Gonzaga, ang ‘Last Night.‘
Sa trailer, makikita ang karakter ni Toni bilang Carmina Salvador na iniligtas ang isang lalaking nahulog mula sa platform ng isang train station.
Doon magku-krus ang landas nila ni Piolo na gaganap bilang Mark na tinulungan siyang iligtas ang lalaki.
Sa 3-minutong video ay ipinasilip rin kung paanong iikot ang istorya ng dalawa sa isang hotel.
Una nang sinabi ni Bela Padilla na siyang nagsulat ng pelikula na ang ‘Last Night’ ay isang dark romantic comedy film na dapat na abangan.
Palabas na ang pelikula sa September 27 sa direksyon ni Joyce Bernal.
Unang nagtambal sina Piolo at Toni sa noong 2014 sa blockbuster hit na ‘Starting Over Again.’
PANOORIN:
Video Credit: ABS-CBN Star Cinema / YouTube
AR / DWIZ 882
