Tagumpay na nagsagawa ng unang Trilateral Key Leaders meeting ang Philippine Army, U.S. Army at Japan Ground Self-Defense Force sa Camp Asaka, Tokyo, Japan.
Layunin ng pulong na mapatatag ang defense cooperation sa pagitan ng Pilipinas, Amerika at Japan.
Dumalo si Philippine Army Chief, Lt. Gen. Romeo Brawner, Gen. Yoshida Yoshihide ng Japan Self-Defense Force at Gen. Charles Flynn ng U.S. Army.
Sinabi ni Lt. Gen. Brawner na magandang pagkakataon ito upang isulong ang kakayahan ng hukbong katihan dahil sa maayos na bilateral relations ng Pilipinas sa US at Japan. – mula sa ulat ni Tina Nolasco (Patrol 11) at sa panulat ni Jenn Patrolla
