Tina-trabaho na ng Metro Manila Mayors at Department of Information and Communications Technology (DICT) ang pagkakaroon ng “unified certificate” para sa mga fully vaccinated na indibidwal.
Ayon kay Parañaque Mayor Edwin Olivarez, nagsimula nang magsumite ang mga lokal na pamahalaan sa Metro Manila ng listahan ng mga nabakunahan na sa DICT.
Target aniya ng mga LGU na makumpleto ang pagsusumite ng listahan hanggang ngayong buwan.
Una rito, hinimok ng DICT ang mga LGU na gamitin ang kanilang vaccination administration system para sa planong digital vaccine certificates.
