Humingi na ng paumahin si University of The Philippines (UP) President Danilo Concepcion sa UP community sa kanyang pagdalo sa reunion nina Ilocos Norte Governor Imee Marcos at mga dating miyembro ng Kabataang Barangay (KB).
Ayon kay Concepcion, wala naman siyang masamang intensyon sa pagdalo sa reunion ng KB sa UP Bahay ng Alumni noong Sabado, Agosto 25.
Aniya, nais lamang niyang makasalamuha ang kanyang mga kaibigang hindi nakita sa loob ng ilang dekada.
Magugunitang binatikos ng UP-Diliman Student Council ang selebrasyon ng 43rd anniversary ng KB sa loob ng campus dahil insulto umano ito sa mga biktima ng pagmamalupit noong martial law.
—-
