Nakitaan ng bakas ng methamphetamine o shabu ang urine sample na nakolekta sa katawan ni Jun Villamor, ang umano’y middleman sa pagpatay sa broadcaster na si Percy Lapid.
Ayon ito kay forensic pathologist Dr. Raquel Fortun, na nagsagawa ng second autopsy ni Villamor.
Sinabi ni justice secretary Jesus Crispin Remulla, ang presensya ng nasabing ilegal na droga sa urine sample ng nasawi ay napakahalaga kung saan hindi ito nakita sa unang report.
Samantala, plano ni Remulla na muling ipa-examine ang urine na nakuha kay Villamor upang malaman kung may iba pang kemikal o substance na makikita rito.
