Sarado ang embahada ng Estados Unidos sa U.N. Avenue sa lungsod ng Maynila ngayong araw, Mayo 27.
Batay sa abiso ng U.S. embassy, ito ay para magbigay daan sa Memorial Day, isang holiday sa Estados Unidos na karaniwang ginugunita sa huling Lunes ng Mayo.
Sa memorial day, binibigyang pagkilala ng Amerika ang lahat ng mga miyembro ng U.S. armed forces na nasawi habang nasa serbisyo.
Balik naman sa normal ang operasyon ng U.S. embassy bukas, araw ng Martes.
