Buo pa rin ang suporta ng Estados Unidos sa Ukraine.
Ito ang pagtitiyak ni US President Joe Biden nang tawagan niya si Ukrainian President Volodymyr Zelensky.
Sinabi ni White House Press Secretary Karine Jean-Pierre, na binati muna ni Biden si Zelensky dahil sa 31st Independent Anniversary ng Ukraine.
Naniniwala kasi ang US na mapagtatagumpayan ng Ukraine ang Russia.
Magugunitang mayroong halos $3 bilyon na tulong pinansyal ang US sa Ukraine.
Pinasalamatan naman ni Zelensky ang US dahil sa walang tigil nilang pagtulong.
