Binigyan ng matinding pressure ng Amerika ang Pakistan hinggil sa umano’y pagsuporta sa Taliban Forces ng Afghanistan.
Nagbabala si US Secretary of State Rex Tillerson sa Pakistan na maaaring maputol ang mga prebilehiyong natatanggap nito mula sa Amerika kung di aniya magbabago ng posisyon ang Pakistan.
Mariin namang itinanggi ng Pakistan ang mga akusasyon ng Amerika.
Matatandaang matagal nang magkaalyado ang dalawang bansa kung saan tinatamasa ng Pakistan ang special status bilang non-NATO alliance partner na nakatatanggap ng bilyong bilyong dolyar na tulong mula sa Amerika.
By Ralph Obina
