Tukoy na umano ni incoming Philippine National Police (PNP) Chief Ronald dela Rosa kung sinu-sunong mga drug lord ang nagpaplano ng asasinasyon laban sa kanila ni incoming President Rodrigo Duterte.
Sa isang panayam, sinabi ni dela Rosa na lingid sa kaalaman ng mga drug lord na nakapiit sa loob ng Bilibid, nagrereport din sa kanya ang isa sa mga nakakausap ng mga iyon.
Subalit, iginiit ni dela Rosa na walang personalan sa kanilang gagawing paglilinis kontra iligal na droga bagama’t may mga nakahanda na silang hakbang sa mga target nilang drug lord.
Una nang ibinunyag ng incoming PNP Chief na dinoble pa umano ng mga drug lord ang halaga ng ipalalabas na reward money laban sa kanila kapalit naman ang ulo nila Duterte at dela Rosa.
By Jaymark Dagala | Jonathan Andal (Patol 31)
