Pinaghahanda na ng Volunteers Against Crime and Corruption o VACC si Ombudsman Conchita Carpio Morales sa pinaplantsa na nilang impeachment complaint laban dito.
Sinabi ni VACC Chair Dante Jimenez na makapal ang mga dokumentong isusumite nila para sa isasampang impeachment complaint laban kay Morales.
Kabilang sa mga reklamo ng VACC laban kay Morales ang mga nabinbing desisyon nito, selective justice at iba pa anilang kawalang katarungan tulad ng pag-absuwelto sa dating Pangulong Noynoy Aquino kaugnay sa Mamasapano case.
Ayon kay Jimenez, kitang-kita rin ang conflict of interest at favoritism ni Morales sa paglalabas nito ng mga desisyon.
Tiniyak ni Jimenez ang pagpapalakas ng kaso laban kay Morales para tuluyan nang matanggal sa puwesto.
—-
