Nagsimula na ang pagbabakuna kontra COVID-19 sa ilang mga botika sa Cebu City bilang bahagi ng patuloy na pagpapaigting sa vaccination efforts sa bansa.
Kabilang sa mga tumanggap ng bakuna ang mga edad 18 hanggang 59.
Target naman ng lokal na pamahalaan na gawin ding vaccination site ang mga botika sa loob ng mall habang nagpapatuloy ang bakunahan sa ibang mall, hotel at gymnasium maging sa city hall ng lungsod.
Samantala, pinasalamatan naman ni Vaccine Czar Carlito Galvez Jr. ang mga botika na lumahok sa COVID-19 vaccination drive sa Cebu City.
Sa ngayon, patuloy na gumaganda ang COVID-19 data sa lungsod dahil sa mataas na vaccination rate ng bansa. —sa panulat ni Angelica Doctolero
