Isinusulong ni Go Negosyo Founder Joey Concepcion, ang pagkakaroon ng Vaccination Pre-Registration para maiwasan ang pagkasira ng mga bakuna.
Kasunod ito ng 31.3 million doses ng Covid-19 na nasayang sa Pilipinas matapos mag-expired.
Ayon kay Concepcion, umabot na sa mahigit P15B halaga ng mga bakuna, ang nasayang hanggang ngayong buwan ng Nobyembre kung saan, lumagpas na ito sa 10% threshold ng World Health Organization (WHO).
Sinabi ni Concepcion na dapat nang gumawa ng hakbang ang Department of Health (DOH) kung saan, dapat mai-adopt ng mga Local Government Units (LGUs) ang Pre-Registering Scheme upang malaman kung sino sa mga residente ang nais magpabakuna.
