Tapos na ang system na sinet-up ng Department of Information and Communications Technology (DICT) na kayang mag-isyu ng vaccination certificates
Ayon kay information Undersecretary for Digital Philippines Emmanuel Rey Caintic maaari ng gamitin ng mga business establishment at border officers ang mobile verifier application o app ng DICT
Gagamitin ito bilang pang-scan at verify ng authenticity ng Vaxcertph vaccine certificates
Ani presidential spokesman Harry Roque aprubado ng IATF ang rekomendasyong buksan ang digital vaccination certification system para sa domestic use, na dating limitado lamang sa mga outbound migrant workers
Dagdag pa ni Roque ang DICT system ay kailangan para sa pagtatala, databasing at inokulasyon ng mga impormasyon kaya’t marapat gamitin ng lahat ng lokal na pamahaalaang walang ginagamit na electronic vaccine administration system
Available ang mobile verifier sa apple at google app store platforms—mula sa panulat ni Joana Luna
