Pumanaw na ang beteranong aktor na si Dick Israel sa edad na 68.
Si Israel ay na-stroke noong 2010 at magmula noon ay naging mahina na ang kanyang kalusugan.
Nitong Hulyo lamang ay nakaranas ng trahedya ang pamilya nito matapos na masunugan, dahilan upang bumuhos ang tulong para sa aktor.
Kasalukuyang nasa St. Peter Memorial Chapel sa Araneta Quezon City ang mga labi ng yumaong aktor at bubuksan para sa public viewing mamayang alas-8:00 ng gabi.
Humiling muna ng privacy ang pamilya ni Israel.
Nakilala si Dick sa mga hindi matatawarang pagganap bilang kontrabida sa mga pelikula at teleserye.
Ilan sa mga huling proyekto ng aktor ay ang Badil at Boy Golden na ginawa noong 2013.
