Binigyang diin ng kampo ni Ozamiz City Vice Mayor Nova Princess Parojinog na siya ang nagkumbinsi sa bigtime drug lord na si Herbert Colanggo na tumestigo laban kay Senadora Leila De Lima.
Ayon kay Atty. Ferdinand Topacio, abogado ng Bise Alkalde, ito’y sa mga panahong nagdadalawang isip si Colanggo na tumestigo laban sa senadora dahil sa takot na balikan siya nito.
Kasunod nito, kinumpirma rin ni Topacio na may relasyon pa rin si Vice Mayor Parojinog at si Colanggo hanggang sa kasalukuyan.
Magugunitang inaresto ng pulisya ang Vice Mayor nang salakayin ng mga ito ang bahay ng mga Parojinog sa Ozamiz City nitong linggo kung saan, napatay sina Mayor Reynaldo Parojinog, asawa nito at 13 iba pa.
