Mariing kinundena ng embahada ng Vietnam sa bansa ang ginawang pagmumugot ng bandidong grupong Abu Sayyaf sa kanilang dalawang nationals na sina Hoang Thong at Hoang Va Hai, kahapon.
Sa inilabas na kalatas ng embahada ng Vietnam, nakasaad na nakikipagtulungan na sila sa mga otoridad ng Pilipinas para sa masusing imbestigasyon at maparusahan ang mga taong nasa likod ng pamumugot.
Binigyang diin rin ng embahada na mariing nilang tinutulan ang ginagawang pagdukot at mga hindi makataong pagpatay.
Ang dalawang pinugutang Vietnamese ay kabilang sa labing anim (16) na crew ng MV Royal 16 Vietnam cargo vessel na binihag ng Abu Sayyaf, Nobyembre nang nakaraang taon sa karagatang sakop ng Basilan.
By Krista De Dios | With Report from Aya Yupangco
